EndNote
EndNote er eit verktøy for referansehandtering. Med EndNote kan du finna, lagra og organisera eigne litteraturreferansar. I neste omgang kan du nytta EndNote til å laga referansar og litteraturlister i artiklar, avhandlingar e.l. medan du skriv i Word. Programmet har over 700 predefinerte bibliografiske stilar å velja mellom.
Høgskolen i Telemark har lisens på EndNote for alle studentar og tilsette. Programmet er brukarvenleg og relativt enkelt å ta i bruk.
Nedlasting av programmet
På datamaskinar ved Høgskolen i Telemark finn du programmet via Start - Alle programmer - Installasjon - Installerer EndNoteX3
For å lasta ned programmet til heime-PC eller bærbar PC, klikkar du på denne lenka: https://download.hit.no/fagprogramvare/EndnoteX3.exe. Køyr fila, det vert pakka ut på heimemaskinen din og installasjonen vert køyrd. Følg vegvisaren som dukkar opp. Det vert krevd innlogging med godkjent HiT-brukar.
For Mac-brukarar: Versjon X3 kjem snart. Installer EndNoteX2 som alle andre program her. Oppdateringar av EndNote X2 finn du på denne sida: EndNote Update X2.0.1 for Mac OS X. Dette er ein patch som gjer at "Cite While You Write"-funksjonen verker. Oppskrifta må følgjast nøye!
Brukarrettleiing
Opplæringsvideoar: EndNote Online Tutorials (Krev Flash Player 7 eller over)
Kort handbok i EndNote for HiT: Handbok til EndNote X2.
Manual på engelsk: EndNote X3
Biblioteket tilbyr brukarstøtte. Ta kontakt med biblioteket på studiestaden din om du ynskjer introduksjonskurs eller rettleiing i bruk av programmet. Kontaktpersonar:
- Bø: Arild Skalmerås
- Notodden: Ole Cato Riseberg
- Porsgrunn: Ellen Hermanrud
- Rauland: Ranveig Tunheim
Tips til val av siteringsstil
- APA 5th: Mykje brukt Harvard-variant. Last ned norsk versjon: APA 5th norsk. Lagre fila i mappa "Styles" (ofte "C:\Programfiler\EndNote\Styles").
- Harvard: Tverrfagleg, mykje brukt. Last ned norsk versjon: Harvard norsk. Lagre fila i mappa "Styles" (ofte "C:\Programfiler\EndNote\Styles").
- Vancouver: Numerisk stil, vanleg innan helsefag og naturvitskaplege fag.
- Sjekk eventuelt med tidsskriftet eller instituttet du skriv for om det er krav til bruk av ein bestemt stil.