Bare Høgskolen i Bergen og Universitetet i Stavanger er foran HiT på poenglista. Høgskolen i Bergen oppnådde seks stjerner, medan Universitetet i Stavanger og Høgskolen i Telemark oppnådde fem stjerner.

Alle dei andre universiteta og høgskolane fekk fire eller færre stjerner.

I den årlege evalueringa blir om lag 700 offentlege nettstader vurderte av norge.no og Vestlandsforsking.

I toppsjiktet
Nettsidene til Høgskolen i Telemark har dei seinare åra alltid vore rangerte i toppsjiktet. Men årets resultat er likevel det beste til nå.

I evalueringa frå den offentlege nettportalen norge.no blir nettstadene vurderte etter i alt 32 ulike kriterier fordelte på tilgjengelegheit, brukartilpasning og nyttig innhald.

Evalueringskriteria blir skjerpte frå år til år.

På topp
Høgskolen i Bergen oppnår 84 prosent av mogeleg toppskåring. HiB er dermed også best av samtlege 700 norske offentlege nettstader.

Universitetet i Stavanger oppnår 76 prosent og Høgskolen i Telemark 74 prosent. Nummer fire blant universitet og høgskoler er Universitetet for miljø- og biovitenskap med 69 prosent.

Vidareutvikle HiTs nettsider
Trass det gode resultatet vil ikkje HiT kvile på laurbæra. Kvalitetsvurderinga er ei vurdering av kor solide nettsidene er som verktøy, men det er behov for å gjere nettsidene enda mykje meir brukarorienterte og kvalitetssikra.

På nyåret blir det sett i gang eit prosjekt for vidareutvikling av nettsidene. Her vil utgangspunktet vere å vri merksemda frå at nettsidene skal vere "om oss" til å vere "for dere."

Web'ens Michelin-guide
Resultata av årets evaluering blei presenterte på ein stor konferanse i Oslo sist fredag.

Arrangøren, nettportalen norge.no, samanlikna denne årlege evalueringa med gourmetenes Michelin-guide: Stjernene er vanskelege å oppnå, og ein må kjempe for å behalde dei.

Under konferansen blei nettstaden yr.no tildelt prisen som årets nettstad.