Fungerande økonomidirektør Tone Østvedt, direktør John Viflot og rektor Kristian Bogen fann ingen overraskingar ifor Høgskolen i Telemark i framlegget til statsbudsjett for 2012.

Ingen nye studieplassar og ingen nye stillingar for doktorgradsstipendiater. Men nær ein million meir enn venta i den delen av budsjettet som blant anna baserer seg på resultat av forskingsaktiviteten. Studiepoengproduksjonen - altså studentane sin gjennomføring av studia - har auka. Det ga fire millionar ekstra på budsjettet.

- Akkurat som vi hadde venta, seier direktør John Viflot etter gjennomgangen av budsjettframlegget saman med rektor og med fungerande økonomidirektør Tone Østvedt.

Dette er kortversjonen framlegget til løyving til Høgskolen i Telemark. Tildelinga over statsbudsjettet utgjer rundt 92 prosent av høgskolens totale årsinntekter.

Pris- og lønnsvekst blir kompensert gjennom ei auke i løyvinga på nær 16,5 millionar kroner.

Det er også nær 5,5 millionar kroner meir til vidareføring av dei nye studieplassane som høgskolen har fått dei siste åra. Men for 2012 kjem det reelt ingen nye studieplassar.

Heller ingen av dei andre høgskolane eller universiteta fekk tildelt nye stipendiatstilligar. Men Kunnskapsdepartementet har nå i gang ei arbeidsgruppa som skal analysere det framtidige behovet for rekrutteringsstillingar.