Førsteamanuensis ved HiT Astrid Sandmoe meiner dei eldre har vore gløymde i arbeidet med vold i nære relasjonar.

- Regjeringa har gjort eit stort arbeid med tanke på vold mot barn og unge vaksne, men vold mot eldre vaksne har det ikkje i tilstrekkeleg grad blitt fokusert på, fortel Sandmoe som er ein av dei fremste forskarane i landet på temaet.

I den nye handlingsplanen som blei lagd fram i dag kl.12.30, skal vold mot eldre bli eit eige satsingsemme.

Meldar ikkje eigne barn
- Eldre kan vere ei sårbar gruppe når det gjeld fysiske og psykiske skadar ved overgrep. Dei treng eit hjelpeapparat som forstår kor vanskeleg det kan vere å bli utsett for overgrep frå ein i sin næraste familie. Det er vanskeleg å melde sine eigne barn eller barnebarn, fortel Sandemoe.

Sandmoe er utdanna sjukepleiar, men tok i 2011 ein doktorgrad på overgrep mot eldre og heimesjukepleia si handtering av overgrepsproblematikk.

I sitt tidlegare arbeid ved Nasjonalt kunnskapssenter for vold og traumatisk stress (NKVTS) har ho intervjua 30 eldre som har vore offer for overgrep. Rapporten vil bli offentleggjord våren 2012.