Årets unge folkemusiker 2009
- Intervju i Ballade tidlegare i år
- Kim Andre Rysstads MySpace-side
- Årets unge folkemusiker (NRK)
Kim André Rysstad (28), masterstudent ved Høgskolen i Telemark, vann prisen som Årets unge folkemusiker 2009. Men da han var endå yngre, synest han folkemusikk var noko gnål.
Kåringa som årets unge folkemusikar skjedde under Norsjøfestivalen i Farsund sist helg.
Juryleiar Åse Kleveland, direktør for Rikskonsertane, var imponert.
- Juryen ser for seg at denne unge kvederen bærer i seg muligheten til å utvikle et særegent uttrykk preget av sin personlige fortellerevne, tilstedeværelse og musikalitet, sa Kleveland til NRK etter tildelinga.
- Vil begeistre mange
I grunngjevinga for prisen peika juryen i tillegg på at Kim Andre Rysstad både er tru mot tradisjonen og har ambisjon om å utvide og utvikle denne vidare.
- Han har eit uttrykk som både vil berøre og begeistre mange i åra som kjem,skriv juryen.
Studerer i Rauland
Årets unge folkemusiker kjem fra Rysstad i Setesdal, og han er nå masterstudent ved Høgskolen i Telemarks folkekulturstudium i Rauland.
I fjor fekk Kim André Rysstad prisen i klassen «Årets soloalbum» for CD'en «Tak hardt uti hand» på Folkelarm 2008. Dette er ei samling middelalderballader og folkeviser.
Withney Houston
Kim Andre Rysstad vaks opp i eit folkemusikkmiljø. Men da hadde han lite sans for den musikken. Den var noko gnål.
Vendepunktet kom da han etter militæret var i beit for jobb, og han takka ja til ein plass ved Agder Folkemusikkarkiv. Der fekk han høyre opptak som vekte han.
Frå tidlegare hadde Withney Houston vore ein av favorittane hans. Nå fann han att den same ornamentikken i folkesongar frå Setesdal, fortel han i eit intervju med musikkbladet Ballade.
Turné
Kåringa sist helg skjedde i regi av Rikskonsertane si satsing INTRO-folk. Dette er eit lanseringsprogram for unge, lovande folkemusikarar.
Som vinnar av INTRO-folk 2009 får Kim André Rysstad eit skreddarsydd lanseringsprogram. Det omfattar blant anna turné i Norge i regi av Rikskonsertene, i tillegg til ulike profilerings- og promoteringstiltak.
Abonnér på nyheter