Arrangementet startar fredag kveld, 11. juni, kl 19.00 med opning av ei særutstilling på Skinnarlandsamlinga, og avsluttast søndag 13. juni.

Laurdag kl 11.00 – 17.00 og sundag kl 11.00 – 15.00 er det utstilling av studentarbeid ved Høgskolen i Telemark - Rauland. Studentane ved Institutt for Folkekultur syner arbeid utført gjennom året, der målet har vore å tileigne seg kunnskap i ulike tradisjonar og fornying i materiala tre, metall og tekstil.

Studentane ved folkemusikkstudiet har sin årlege avslutningskonsert laurdag 12. juni kl 18.00, og staden er Dyre Vaa-samlingane. Her vil vi få høyre både tradisjonelle solistiske innslag med kveding og spel, og meir eksperimentelle innslag med spennande samansetjingar av song og ulike instrument.

Eit høgdepunkt for mange under kunst- og handverksdagane er mannekengoppvisninga der studentar syner klede og smykke laga dette studieåret. Dette skjer sundag kl 16.00, og her er det folkemusikklærarane i høgskolen som syter for musikken.

Høgskolen i Telemark ved Institutt for Folkekultur er også medarrangør av dei årlege Kunst- og handverksdagane i Rauland.