Då ingeniørstudent Harald Stjernholm, professor Rune Bakke og bonde Knut Vasdal viste fram reaktoren til landbruksministeren på fredag skapte den stor begeistring både hos ministeren - og i pressekorpset.

Mange trudde dei drog kjensla på eit gammalt heimebrentapparat, men det var det ikkje. Apparatet skal derimot lage bioenergi av kumøkk.

- Dette er jo eit veldig tidleg stadium, men denne viser at teknologien fungerer. Det er ekstremt opplyftande det vi har sett i dag, uttalte landbruksministeren til NRK Østafjells. Han fastslo også at biogass frå alle norske kyr er nok til å dekkje varmebehovet til 100.000 husstandar.

Energipotensialet i kumøkk har lenge vore kjent for landbruket, men anlegga har ofte vore store, dyre og lite eigna for vanlege gardsbruk. Prototypen Høgskolen i Telemark har utvikla passar også for bønder som driv i mindre skala.

- Anlegget består av ein spesielt effektiv industriell biogassreaktor som kan koplast opp mot noverande gjødsellager på gardsbruk med husdyr, fortel professor Rune Bakke.

- Dette er landbruket sitt svar på REMA 1000, legg Stjernholm til. Han tar Master i Energi og miljøteknologi og skal fullføre hovedoppgave si no i haust.

Under demonstrasjonen understreka landbruksministeren at regjeringa også var oppteke av biogass og lova derfor duoen frå Høgskolen i Telemark kr.100.000 til vidareutvikling av prosjektet.