Dr. Klaus Joachim Jens er utdanna diplomkjemikar ved University of Hamburg og tok doktorgraden sin i 1983. Han kom til Noreg som gjeste-forskar i 1993, men liker seg så godt at han blei verande.

- Eg er vann til å jobbe med store røyr og store volum. Min spesialitet er katalysar og dei kjemiske reaksjonane, fortel Jens som trur fagfeltet hans passar godt med det avdelinga er ute etter. Han er tilsatt på Institutt for Prosess-, Energi- og Miljøteknologi.

Jens har arbeidserfaring frå Statoil og Borealis der han dei siste årene var Chief Scientist med ansvar for teknologiutvikling og implementering. No ser han fram til å bruke meir tid på forsking.
- Saman med undervisning er forskinga hovuddrivkrafta mi, fortel Jens.

Viktig ledd i universitetssatsinga
For å oppnå universitetsstatus må Høgskolen i Telemark kunne tilby minimum fire doktorgradsutdanningar.

Doktorgradsstudiet innan gass- og energisystem er det fyrste av dei fire doktorgradprogramma Høgskolen i Telemark vil sende til Nasjonalt organ for kvalitet i utdanning for akkreditering.

Styret har også vedtatt å søke om akkreditering for doktorgradsutdanninga innan kulturstudier. I tillegg utarbeider høgskulen doktorgradsstudiet i miljø og genetisk mangfald.

Arbeidet med den fjerde doktorgradsutdanninga, førebyggjande helsearbeid, startar no.