Framleis står det att mykje jobb som å vidareutvikle både produkt og forretningsplanar, lage prototypar og nettsider og inngå samarbeid med sponsorar. Dette skal studentbedriftene arbeide med fram mot fylkesmeisterskapen 26. februar.

Frå tannbørsteskap til trådlaus utelys-styring
Men utgangspunktet var svært godt, og det var også ein førebudd gjeng som presenterte ideane sine. Ny og betre potetgullemballasje, tannbørsteskap med reinsing av bakteriar, drillhaldar som sikrar og effektiviserer kvardagen til ein elektrikar, trådlaus styring av utelys og marknadsføringsteneste for økologiske produkt var nokre av studentbedriftene.

Dei fem studentbedriftene Safe Step, Bright smile, Ninus, Spira og Smartlight hadde alle ein studentbedriftspresentasjon på 10 minutt og tok velvillig imot spørsmål frå salen. Kva marknadspotensial har produktet? Kven skal det samarbeide med for å få produktet ut til kunden? Kva konkurrentar har produktet? - Salen stilte spørsmål og studentane svara etter beste evne.

10 studentbedrifter
I år stiller studiestad Notodden med tre studentbedrifter. Studentane frå Notodden går alle på studiet visuelle kunstfag og design andre året, og har studentbedrift som ein obligatorisk del av studiet. I tillegg har studiestad Porsgrunn to studentbedrifter - begge med ingeniørstudentar, Y-vei. Studiestad Bø var ikkje tilstades under presentasjonen, men stiller i år med fem studentbedrifter der alle er innovasjon og entreprenørskap - studentar.

Lang merittliste
Høgskolen i Telemark starta med prosjekt studentbedrift i 2005. Dei fire siste åra har Høgskolen i Telemark gjort det svært godt i konkurransar og meisterskap. HiT- studentar har blitt Noregsmeistrar tre år på rad (Teach -05, RegTek -06 og Punch-07), Europameister i juli 2006 (Flush SB) og 3.plass i Europameisterskapet i juni 2008 (Heyra SB).