EnglishFeira ein stor kjemihelt
CO2-fangstmiljøet på Høgskolen i Telemark feira i dag at det er 150 år sidan den svenske kjemikaren Svante Arrhenius blei fødd. Arrhenius var den fyrste vitskapsmannen som såg samanhengen mellom CO2 auke i atmosfæren og bruk av fossilt brensel.
Avdelingsingeniør Joachim Lundberg (midten) hadde laga kake med Arrhenius likninga som kakepynt. Saman med professor Klaus Joachim Jens (t.v) og Dag Eimer ved Høgskolen i Telemark feira de at kjemihelten Svante Arrhenius blei fødd for 150 år sidan.
- Arrhenius er absolutt ein av heltane for oss som arbeider med kjemi. Han er mest kjend for Arrhenius likninga. Det som kanskje er mindre kjent er at han allereie i 1896 var den fyrste til å påvise samanhengen mellom CO2-innhald i atmosfæren og temperaturen på jorda, fortel kjemiprofessor Klaus Joachim Jens ved Høgskolen i Telemark.
I dag var studentar og tilsette som jobbar med forskingsprosjektet på CO2-fangst ved studiestad Porsgrunn samla for å feire den store kjemihelten. Avdelingsingeniør Joachim Lundberg hadde laga kake for høvet. Der fungerte den kjende Arrhenius likninga som kakepynt.
Svensken Svante Arrhenuis var opptekne av istida og fann, som eit sidespor til denne forskinga, ut at oppvarming av jorda kunne skje ved menneskeleg bruk av fossilt brensel. Fyrst i 1987 blei teorien hans verifisert.
- Ingen oppfatta forureininga frå kullindustrien på 1800-talla som eit problem, bortsett frå Arrhenius. Men på den anna side såg han også fordelane av temperaturauken fordi det kunne gi auka matproduksjon, avsluttar Dag Eimer,
Svante Arrhenius.
professor II ved Høgskolen i Telemark.
I 1903 fekk Svante Arrhenius Nobelprisen i kjemi for hans arbeid innanfor elektrokjemi.
- Har ein ikkje høyrt om Arrhenius til eksamen så blir det nok stryk, avslutter Jens medan resten av selskapet bryt ut i latter.
Ansvarlig for nettsiden Ingvild Gjone Sildnes - 19.02.2009