Doktorgraden er eit tverrfagleg forskingsprosjekt der både kunst og naturvitskap er involvert.

Miljøvennleg metode
Prosjektet undersøker nedbrytning av organiske materialar i kontakt med kopar og messing der føremålet er å utvikle patinerte fargar utan bruk av helseskadelege kjemikaliar i ein kunstnarleg verksemd.

”Mikrobiell patinering” er ein økologisk alternativ patineringsmetode sett i forhold til tradisjonell kjemisk patinering, der til dels helseskadelege kjemikaliar vert nytta.

Samanlikna med tradisjonell patinering er mengda av problemavfall som skal destruerast minimal og utan giftige kjemiske restar.

Mikrobiell verksemd gir fargar
Mikrobiell verksemd omdannar ved metabolisme og respirasjon organiske materialar til kjemiske forbindelsar som gir patinerte fargar på overflatene.

Prosjektet består av eit piloteksperiment og åtte separate eksperiment der spesifikke organiske materialar reagerer og

dannar ein patina av multifargar på metalloverflatene.

Ulike analysemetodar vert nytta
Ved visuell samanlikning av mikrobiell patinerte og kjemisk patinerte resultat kan kvaliteten av multifargane evaluerast.

Kjemiske analyser og røntgenmikroskopianalysar er brukt for identifikasjon av ulike kjemiske ingrediensar frå nedbrytingsprosessen.

Litt om professoren
Arne Magnus Johnsrød arbeider ved Kunsthøgskolen i Oslo som 1. amanuensis og ved Høgskolen i Telemark, Institutt for folkekultur, Rauland, i ei professor II – stilling knytt til masterstudiet i tradisjonskunst.

I tillegg har han hovudansvar for undervisninga i metall. Han arbeider innan metallbasert kunst med spisskompetanse blant anna innan overflatebehandling og patinering av metallobjekt.

Jonsrød held prøveforelesning og disputerer over avhandlingen på Arkitekthøgskolen i Oslo, onsdag 16.desember.