Studentane ved instituttet viser fram sine arbeid i ustillingar og konsertar. I avslutningsshowet Fashion Fesjå vert studentane sin produksjon av klede og smykke vist fram til eigenprodusert musikk.

Fredag kveld kl. 21.00 er det konsert på Bjønnehiet Pizzapub med folkemusikkgruppa SVER. Denne konserten er i regi av Folkemusikkscena på Rauland. Laurdagskveld kl. 18.00 er det den tradisjonelle konserten med folkemusikkstudentane i Dyre Vaa - samlingane.

Laurdag og søndag er det opne utstillingar frå kl. 11.00, og det heile vert avslutta med showet Fashion fesjå på søndag kl.16.00 i Vinjesalen. Fashion fesjå er i år, som tidlegare år, regissert av Veronika Glitsch. Folkemusikkstudentar står for musikken til showet. Utstillingane syner arbeid i tre, metall og tekstil frå alle studia ved instituttet, frå deltidsstudiet i maskinstrikking, årsstudia-, bachelorstudiet - og masterstudiet i tradisjonskunst.

I Årestoga og på Telemarkstunet har tradisjonsmatstudiet si utstilling, og dei serverar også smaksprøver av ulike rettar. Søndag kl 12.00 blir det ei markering av at Tradisjonsmatstudiet har 10-års jubileum i år.

Ingrid arbeider innan feltet tradisjonskunst med vev og trykking/farging.

Ingrid Skåland Eriksen frå Lunde stiller ut tekstilarbeid. Dette er arbeid som er gjort i perioden ho har hatt Telemark fylkeskommune sitt arbeids- og utviklingsstipend i tradisjonskunst.

Det er mogleg å få kjøpt seg mat og drikke i kafeen på Raulandsakademiet.