I det første året får du grunnleggande kunnskap om kulturanalyse, kunst- og kulturhistorie, kulturpolitikk og fleirkulturell forståing. Du får også øving i å skrive og publisere informasjon elektronisk.

I det andre året står formidling og arrangering i fokus. I tillegg til de obligatoriske emna Kulturvern og Kulturformidling for barn og unge, vel du her det du vil fordjupe deg i:

• Musikkformidling
• Kunstformidling
• Filmformidling

Studentane deltek i planlegging og gjennomføring av seminar om faglege eller kulturpolitiske emne. Det andre året blir det også arrangert ein studietur i Norden.

Det tredje året er det fokus på kulturforvaltning, med planlegging, økonomi og marknadsføring. Dette året gjennomfører du og eit feltarbeid ved ein kulturinstitusjon og skriv ein rapport i etterkant. Dette er ei erfaring framtidige arbeidsgjevarar set pris på. På tredje året kan studentane også delta på seminar innan Kulturprodusentnettverket i Nordplus, anten i Helsingfors, Stockholm eller Bø.

Du blir ikkje spesialist ved å ta dette studiet, men du kan brukast til mange oppgåver i kultursektoren. Det er styrken vår. Det viser også merittlistene til dei som har studert kultur i Bø. Dei gjer seg gjeldande innan fleire fagfelt og er ikkje så avhengige av å sikte seg inn mot bestemte nisjer i kulturfeltet. Skulle du ønske å spesialisere deg, har høgskolen eit stort utval emne som kan kombinerast med kultur: historie, språkfag, reiseliv, økonomi og marknadsføring for å nemne nokre. Studiet har og eit kulturelt kontaktnett som vi trekker vekslar på i undervisninga.

Mer informasjon om innholder finner du i studieplanen.