Gateway College

Gateway College og Høgskolen i Telemark samarbeider om ei rad spennande studium i utlandet. Du kan ta ex.phil.,reiseliv, moteleiing, økonomi og språk m.m på Bali (Indonesia), i Paris, New York, Sydney (Australia) og Playa del Carmen (Mexico). I New York vil undervisninga haustsemesteret 2011 og vårsemesteret 2012 bli gjennomført på engelsk, og med engelskspråkleg pensumlitteratur. Dette er ei unnataksordning som berre gjeld for desse semestera, og grunnar seg i ein problematikk knytt til visumreglar.

Fullført studium med 30 studiepoeng er -- avhengig av studieprogram -- anten samanfallande med 1. semester i årsstudium eller bachelorstudium ved HiT, samanfallande med frie studiepoeng i eit bachelorprogram, eller det kan på andre måtar godkjennast inn i ein bachelorgrad etter søknad og tilpassing.

Studia gjev rett til lån og stipend i Lånekassa på vanleg måte.

Høgskolen i Telemark er fagleg ansvarleg for utdanninga, og Gateway College er ansvarleg for den praktiske tilrettelegginga på studiestadene.

Sjå nærare om oppdatert studieprogram og emneoversyn.

Direktelenker til pensumoversyn:

Kultur- og humanistiske fag (m.a. filosofiske fag og språkfag)

Økonomi og informatikk (m.a. marknadsføring og leiingsfag)

Les meir om det praktiske på nettsidene til Gateway College!